كاريكاتير(4)
الحوار:-
أم الوردي المحتشمه : شوفي هاللي ماتستحي ماشيه ومطلعه بطنها جدام العالم
الشقراء المحترمه : إي والله صاجه .. اللي اختشو ماتو.
المكان : مجمع الأفنيوز
كاريكاتير (3)
اضغط للتكبير
كاريكاتير (2)
هذي رسمه من الرسامه الكويتيه
(الى الآن أعاني من العادات الجاهليه وماني قادر أقول اسم زوجتي)
فاطمه
خلنا نرمز لها .. بـ وزارة الداخليه
والرسمه هالمره من غير تعليق
واعتبروها مسابقه ..
ازين تعليق راح يفوز برسمه شخصيه له .. وبتكون كاريكاتيريه
طبعاً العرض للذكور فقط
اما الإناث بيفوزون برخصة قياده سعوديه
وهذا الميدان ياحميدان
صدقوني الرسمه معبره .. ومن كثر التعليقات اللي بغينا نحطها احترنا
كاريكاتير 1
انا من عشاق فن الكاريكاتير .. وعشاق كل فن يندرج تحت باب ” ماقل ودل ”
وتجيني أفكار كثير تصلح للكاريكاتير .. بس مالله رزقني بموهبة الرسم
بس الله رزقني بزوجة رسامه
وبعد محاولات , وبعد شد , وبعد إغراءات .. وافقت انها ترسم افكاري
وبهذا أصير نص فنان كاريكاتير
وعلى قولتهم مني الأفكار ومنها الرسم
وفي الزواج كلن يكمل الثاني … أنا أفكر وهي ترسم .. وهي تطبخ وانا آكل
يعني أهم شئ التعاون 
وعلى طاري ماقل ودل
اخليكم مع الكاريكاتير ..
فكرته :
ولد يقول لأبوه ” بابا هذا الشرطي اللي نقرا عنه في كتاب القراءه؟ ”
الأبو يرد عليه ويقول ” ايه ياولدي هذا هو , شوفه زين ترا يمكن ما تشوفه إلا في حفل أرامكو الجاي بمناسبة 100 عام ”
والفكره هذي جات في بالي بسبب النقص الواضح في عدد افراد الشرطه .. وخصوصاً بعد أحداث الإرهاب
خلاصات المدونة