يافتاح ياعليم يارزاق ياكريم

السلام عليكم جميعاً ..

وأسعد الله أوقاتكم بكل خير ..

ومبروك عليكم الشهر ..

وتقبل الله صيامكم ..

إجازتي باقي منها يومين وتخلص ..

ومرت علي كأنها أسبوع ..

الحمد لله استمتعت فيها .. وقضيت أوقات حلوه مع العائله ..

بس مدري ليه كانت الأيام تركض ركض .. ومن كثر ما أنا أحاول اني أجاريها جاني شد عضلي

قالوها .. الأيام الحلوه تعدّي بسرعه ..

وفي الجعبه كلام كثير … بعضه ينقال وبعضه ماينقال

بس صارت أحداث كثيره في الفتره الأخيره وان شاء الله بتكلم فيها في الأيام الجايه

واحب أشكر كل اللي راسلني وسئل عن غيابي .. وشكراً لكل من ذكرني و بارك لي بالشهر

والحين انا بروح أسير  و أزور المدونات اللي تحت تصنيف ” كلام كبير ” وبشوف وش آخر علومهم .. لأني كنت مبتعد عن النت في الفتره الأخير

وما أقول الا … إستعنا على الشقا بالله .. ويا فتاح ياعليم يارزاق يا كريم

(أرش ماء بارد قدام باب المدونه)

13 سبتمبر, 2008 | Filed Under برهوم ـــيات | Comments Off 

لقد وجبت

بعد ما صرت نص إستواء … وبعد ماصارت عيوني سود بعد ما كانت زرق

وبعد ما أكل الجو علي وشرب .. وبعد ماصرت أحس انه تربطني علاقه مع الضب

وبعد مالحراره وصلت فوق الخمسين

أحب أقول .. إن الإجازه وجبت

بطلع اجازه الى تاريخ 15 سبتمبر

وبسترجع في هالإجازه جمالي المفقود .. وبسترخي فيها الى أن أصل مرحلة التخمه من الإسترخاء

وبخلص فيها بعض الأمور العالقه في بعض الدوائر الحكوميه

وعندي كم شغله بالشقه بسويها … ومنها صبغ أحد الجدران بطريقه خنفشاريه … وبوافيكم فيها بعد الإجازه

هي مجرد تجربه وإرضاء لرغباتي ورغبات الحجيه اللي الى الآن ماحجت )

بحيث بنخلي هالجدار عمل فني … وتم التخطيط له .. وان شاء الله التطبيق يطلع زي اللي في بالنا

وعندي كذا شغله حرفيه ودي أسويها .. فيها بعض النجاره وبعض السباكه … لأني أقدر الشغلات هذي

وما أبي أجيب أحد يسويها …

وعندي كم فلم ودي أراجعهم ) لأني شايفها من قبل .. ولكن لكمية الفن اللي فيها ودي أشوفها مره ثانيه .. وهي

طبعاً نور الشريف نزل فلم يقلد فيه البتشينو وسماه الفتى الشرير .. تقريباً قص ولصق.. والمفروض انه فلم اكشن .. بس انا صنفته انه كوميدي درجه أولى )

وهذي من أفضل الأفلام اللي شفتها بتاريخي الهوليودي .. ويوجد غيرها .. لكن الوقت ماراح يكفي

وفي فترة هذه الإجازه سأكون متواجد مابين الكويت والشرقيه .. ومابين فرعين ستاربوكس اللي في الأفنيوز و اللي في الخبر

)

واللي في البال كثير .. والله يعيننا عليه

وراح انقطع عن الانترنت .. علشان تقل نسبته في الدم … لأنه في الفتره الأخيره ارتفعت عندي ..

وبوقف تحلطم الى أن أرجع …

وشكراً قزيلاً أوي

)

بيوحشني هالمكان .. بس هاه ما أوصيكم .. اذا صار فيه شئ بلغوني

وترى المدونه في ذمة أبو سالم الى أن أرجع .. لا تقولون ماقلت

10 أغسطس, 2008 | Filed Under برهوم ـــيات | Comments Off 

شيخوخه مبكره !! ولا ايش القصه

لي فتره  احس اني بادي اكتسب صفات جديده ..

واحس ان هالصفات للشيبان ومفروض اني ما اتصف فيها ..

يعني ملاحظ هالفتره ..

أنا بصبر شوي ..

لكن اذا وصل الموضوع فيني

اني اشوف المصارعه الحره

واجمع أكياس فاضيه

وأتسند على يدي اذا جيت أقوم

وألبس سروال قصير تحت الثوب بدال الطويل

فاذا وصلت لهذي المرحله بروح للدكتور وبسوي فحص لجيناتي

بعد الواحد أبدا ماعليه جيناته بعد )

واخليكم مع الصوت الأصيل والأداء المميز من اللي شاب شعره )

<object width=”425″ height=”344″><param name=”movie” value=”http://www.youtube.com/v/0PPVTwd75KU&hl=en&fs=1&rel=0&color1=0×006699&color2=0×54abd6″></param><param name=”allowFullScreen” value=”true”></param><embed src=”http://www.youtube.com/v/0PPVTwd75KU&hl=en&fs=1&rel=0&color1=0×006699&color2=0×54abd6″ type=”application/x-shockwave-flash” allowfullscreen=”true” width=”425″ height=”344″></embed></object>

واتمنى لكم نهاية اسبوع سعيده ..

22 يوليو, 2008 | Filed Under برهوم ـــيات | Comments Off 

Back

كنت في إجازه من كل شئ لمدة 5 أيام ..

حاولت اني أغير جو فيها ..

وبما انه هالصيفيه مافيه سفره …

(عاد اللي يسمعني يقول مقطوع سرّي في باريس)

حبيت اني أسوي نفسي سائح في الشرقيه

والبوستات الجايه بكتب عن الأشياء اللي صارت معاي …

وبتكلم فيها عن

انتظرونا )

ولكم وحشه .. وخصوصاً أبو سالم

ورجاء لحد يغار

19 يوليو, 2008 | Filed Under برهوم ـــيات | Comments Off 

ياشين الغيره بس

بعط ما حطيت صور لصديقي الصغير سفووري

بدت الغيره تدب في عروق أخوه حمودي

ومن بعدها بدا يكثر من التميلح والترزز قدامي

واذا جاو يزورونا يجي يسلم ويحب خشمي .. وأحياناً يسعبل بعد

يمكن من كثر الحب ؟؟ .. مدري!!

فقلت لأمه  .. الظاهر انه بدا يغار من اخوه

فقالت لي : وبعد انت الله يهديك .. وش خاسر؟ وليه ماترز صورته بعد

قلت لها أبشري .. جيبي صورته ونرزها .. وليه لا

المهم ماعليكم من شكله .. تحسون انه كبير .. بس تراه اصغر من سفوري بسنه

بس هو من نوع الطفل الرجل

يعني يجي كذا وكذا )

<div style=

9 يوليو, 2008 | Filed Under برهوم ـــيات | Comments Off 

صباح الــ Smile

السلام عليكم جميعاً … وأسعد الله صباحكم بكل خير

اليوم صاحي بكير .. ومصلي الفجر بكير

وجاي الدوام بكير .. وشارب الشاي بكير

وشفت لي شي حلو كتير كتير

وأحب أشارككم بهذا المقطع ..اللي وصلني من أخوي مشعل القحطاني ( أكيد قحطاني يعني أخوي بيكون منفلوطي) .. وفيه من الإيجابيه الكثير .. وكعادته أخوي مشعل إيجابي.. وحبيت أن أنقل لكم هذه العدوى الإبتساميه الإيجابيه

شوفو وشلون الدنيا صغيره .. ورسم الإبتسامه على وجه الغير يعود لك أو لأهلك بكل خير

صباحكم smile

2 يونيو, 2008 | Filed Under Smile, برهوم ـــيات | Comments Off 

لا بأس بتلطيف الجو قليلاً

هذا المقطع , تابع لبوست ” الدرباس و الدقيق ”

qawiah.mp3
31 مارس, 2008 | Filed Under برهوم ـــيات | Comments Off 

الله الله ياكويت

الويكند هذا كنت في ديرتي الثانيه ” الكويت ”

والجو كان جداً بديع, وأنا أعتبره خيالي,

لأن في الفتره الأخيره كانت أجواء الكويت مابين غبار وشمس او برد و عج ( العج مرحله متقدمه من الغبار ) )

وخصوصاً يوم الجمعه في الليل , طلعت مع الحجيه اللي ماحجت للحين , وقعدنا في مجمع الكوت ,

وخذينا كوفي يقند الراس , والهواء العليل يجيك من البحر , والنافوره قدامك , وش عاد أبي بعد !!!

يالله الجنه

أخواني , وخاصه المتزوجين , احرصو على الطلعه العائليه , واختارو الأماكن المناسبه لكم سواء مجمع , بحر , بر , مخطط P

أي مكان ترتاحون فيه , ترى الأجواء متوتره , والعالم قاعده تعيش ضغط ماهي منتبهه له

مابين امور سياسيه , وأمور داخليه , وأمور ماليه خصوصاً مع إرتفاع الأسعار وتجاهل الحكومه لهذه الأشياء , حسينا بنوع من الإحباط من الحياه ومن الأيام الجايه

ولحد يقول لي ماني فاضي, ولا انت مروق , ولا حنا نبي الفكه من حريمنا وانت تقولنا اطلعو معهم…

أدري ان الحريم يرفعون الضغط ( خربها في الأخير )

بس من أجل عين تكرم مدينه , من أجل الأسره والبيت الصالح اللي بيطلع لنا مجتمع نفتخر فيه … مجتمع هادي ومتربي في وسط بيت نفوسهم طيبه ومتحابه…

لازم نطلع ونهدي النفوس ونخلي الأجواء أكثر موده … ولا تخلون العيال في البيت … خذوهم معكم

وهذي الطلعات اللي تكون من فتره الى فتره من دورها إنها تهدي النفوس وتعطي الحيويه للحياه..

21032008918.jpg 21032008916.jpg

وهذي النافوره المجاوره للجلسه وتكون مرافقه للموسيقى … لكن الصوت ماطلع بالمقطع

23 مارس, 2008 | Filed Under برهوم ـــيات | Comments Off 

Back

بعد أن كنت في حالة BRB يائسه ,

فقد كنت في وضع مزري, مشاكل وضغوط عمل , مشاكل زوجيه , قطيعة رحم , بعد عن الأصحاب , والبنطلون بعد صاير ضيق | , يعني تجمعت من كل جهه…

لكن هذا حال الدنيا, تتوقعون فيه شئ يدوم؟

أكيد لا..

وأبشركم الحين الشغل ماشي زي العسل , والضغوط خلصت , والمشاكل الزوحيه بعد انتهت وأمس كنا نغرد ونآكل ورد D , وقطيعة الرحم وصلناها , والأصحاب اللي لنا عنهم 3 سنوات اتصلو علي وقالو ياخوي خلنا نتقابل ( وطلعنا البر عند الإبل وولدنا ناقه - بعدين برفق لكم مقطع الولاده ) ) والبنطلون ابشركم توسع , لأني خفيت كم كيلو بهاليومين … والحمد لله انا اليوم منشكح

أنا قاعد اشارككم بأشياء يمكن البعض يشوفها أشياء خاصه فيني وعيب تطلعها , لكن انا أحب أشارككم فيها علشان تعرفون ان الدنيا ” يوم لك ويوم عليك ” وان الحال الشين مايدوم , ولازم الشخص يحمد ربه على كل حال , وهذا صاحبكم اللي كان ” برب ” من ضيقة الخلق صار ” باك ” ومافيه إلا العافيه ) .

تحياتي إلى وظيفتي
تحياتي إلى حرمي المصون
تحياتي إلى أخواني وجماعتي
تحياتي إلى فارس السبيعي وإلى سامي العتيبي وإلى ناقتنا والى الضيف الجديد
تحياتي إلى ماركة ماكسيم اللي حسستني اني بشر ولي مقاس, وكنت أحس ان الماركات الباقيه ماركات ولادي.

وأهديكم هذا المقطع :

9 مارس, 2008 | Filed Under برهوم ـــيات | Comments Off 

B R B

tanhaeisokotnellofar303851.jpg

من قال أن من سار على الدرب وصل؟

من قال أن من زرع حصد؟

إبراهيم … فلتعلم أنك لن تصل, إلا إن كان هناك محطة وصول , و لا سوف تستمر في المسير.

إبراهيم … لن تحصد مازرعت إلا إن كانت الأرض خصبه , و لا سيذهب جهدك سدى.

إبراهيم … يجب أن تأخذ راحة من نفسك , فقد أتعبت نفسك بنفسك , وقد آن الوقت لتريحها.

فقد قالها رابح صقر من قبل ” محد فاضي محد مهتم ”

سوف آخذ إجازه لكذا يوم ,

B R B

2 مارس, 2008 | Filed Under برهوم ـــيات | Comments Off 

المواضيع القديمه →