Safety First
تحديث :
تذكرت موقف صار لي في معمل البري ( الجبيل ) كنت أمشي في التوسعه الجديده اللي تحت البناء , وطبعاً أرامكو ممنوع فيها انك تمشي في المعمل أو في أي مكان فيه شغل الا وتكون لابس معدات السلامه من نظارات وخوذه والسيفتي شوز … المهم أنا ماشي بكامل معدات السلامه ومتجه للمنطقه اللي فيها العمل علشان أفتش على جودة شغل المقاول … كنت أمشي بكل عظمه .. لأن الهنود لما يشوفوني يخافون وكأني مدير الشركه … المقاول مخوفهم من المفتشين … المهم نظراتهم زرعة فيني الغرور بالقوه … المهم مر بجواري هندي وشايل على كتفه بيب ( Pipe ) طويل جداً حجمه 2 انش تقريباً … المهم مر من جنبي … وبعد شوي الا أحس بضربه برآسي وكأنه قطار صدمني … أثاري الهندي بعد ماتعداني بكم متر لف يسار … وبطبيعة الحال البيب الطويل خبطني على رآسي مع الجنب 
… تخيلتو الوضع !! … المهم الغرور والعظمه انهز وبقوه هههههه … وأنا بديت أرتج ومسكة العامود اللي جنبي من الدوخه …
بس تحسف المقاول ان الهندي ضربني على رآسي … مابقى شئ مافتشته وطلعت لهم عذاريب الدنيا و خليتهم يعيدون نص الشغل .. وطبعاً هم يدرون اني متحرش وأدور زله ولا يقولون لي ماراح نصلحه 
وكل ماقلت شئ قالو لي ” يس سير ” وأنا ادري انهم بس يصرفوني
بس الحمد لله ان الضربه جات في الخوذه ولا كان رحت فيها
شفتو قد ايش أدوات السلامه مهمه
=========
أبد ماقصرتو
التعليقات
خلاصات المدونة